Futvolley üzrə 2-ci Azərbaycan kuboku keçirildi

Xəbərlər / Komandalar / Tədbirlər / Yarışlar 8-08-2021, 22:09 87
7-8 avqustda Dövlət Təhlükəsizliyi Xidmətinin xüsusi tipli sanatoriyasında futvolley üzrə 2-ci Azərbaycan kuboku keçirildi.

8 komandanın qatıldığı yarış gərgin mübarizə şəraitində keçdi. Kubokda “Bakı”, “Naxçıvan”, “Gəncə”, “Lənkəran”, “Kəlbəcər”, “Laçın”, “Şuşa” və “Ağdam” kollektivləri qüvvələrini sınadılar.

Avqustun 6-da püşkatma mərasimində hər qrupda 4 komanda qərarlaşdı. Qrupda ilk 2 yeri tutanlar yarımfinala yüksəldi. Finalda “Ağdam” “Lənkəran”ı 2-1 hesabı ilə məğlub edərək tarixində 2-ci dəfə Azərbaycan kubokunu qazandı. 3-cü yer uğrunda “Bakı”nın oyunçusu zədəli olduğu üçün oyuna çıxmadı. Futvolley qaydalarına uyğun olaraq onun rəqibi “Kəlbəcər” klubu fəxri kürsünün 3-cü pilləsinə yüksəldi.

Qalib və mükafatçılara kubok və medallar, digər iştirakçılara isə diplom və qiymətli hədiyyələr təqdim olundu. Oyunçular öz hesablarına reytinq balları əlavə etdilər.

Beləliklə, bu yarış eyni zamanda 4-5 sentyabr tarixlərində futvolley üzrə 3-cü Azərbaycan çemopionatına hazırlıq məqsədi daşıdı.