Bakıda səmərəli görüş

Xəbərlər » Tədbirlər 2-06-2022, 22:46

Rusiya çimərlik idman növləri üzrə dövlət komitəsinin rəhbəri İlya Volodarski Beynəlxalq Futvole Federasiyasının rəhbəri Vüsal Xəlilovun dəvəti ilə Bakıya gəlib. 

Volodarski səfər çərçivəsində beynəlxalq federasiyasının rəhbər şəxsləri ilə görüşərək bir çox məsələləri müzakirə edib. 

Beynəlxalq Futvole Federasiyasının prezidenti Vüsal Xəlilov və baş katibi Əfqan Həmzəyevlə dəyirmi masa arxasında gələcəkdə bu qurumla rəhbərlik etdiyi komitənin geniş əməkdaşlığı haqqında razılığa gəlinib. 

Futvole Federasiyasının beynəlxalq yarışlardakı təcrübəsinin öyrənilməsi və tətbiqi üçün bu səfərin əhəmiyyətini xüsusilə qeyd edən İlya Volodarski, Bakının idman şəhəri olduğunu da söyləyib. 

Qeyd edək ki, səfər zamanı tərəflər arasında memorandum imzalanıb.