Bakıda beynəlxalq turnirin püşkatma mərasimi keçirildi

  • 14.07.2018
  • 14:28
Bakıda beynəlxalq turnirin püşkatma mərasimi keçirildi
Şrift Ölçü:
Bakıda başlayacaq futvolley üzrə beynəlxalq açıq turnirin püşkatma mərasimi və mətbuat konfransı keçirilib.

Tədbirdə Azərbaycan Futnet Federasiyasının (AFNF) I vitse-prezidenti, millət vəkili Aydın Hüseynov, baş katib Əfqan Həmzəyev, İcraiyyə Komitəsinin üzvü Gülağa Cabbarov, iştirakçı komandalar və media nümayəndələri iştirak ediblər.

Federasiyanın baş katibi Ə.Həmzəyev çıxış edərək yarış haqqında ətraflı məlumat verib. O qeyd edib ki, Bakıdakı “Dalğa Beach” əyləncə mərkəzinin arenasında baş tutacaq beynəlxalq turnirə dünyanın 8 ölkəsindən 8 komanda qatılacaq. Baş katibin sözlərinə görə, turnirin ümumi mükafat fondu 6000 AZN-dir. Yarışda Braziliya, Avstriya, Hollandiya, Pakistan, İran, Rusiya, Portuqaliya və Azərbaycan komandaları birincilik uğrunda mübarizə aparacaqlar. Qalib komandalara medal, diplom və pul mükafatları təqdim ediləcək.

AFNF-nin İcraiyyə Komitəsinin üzvü Gülağa Cabbarov yarışın qaydaları haqqında danışıb.

Çıxışlardan sonra komandalar və idman geyimləri tədbir iştirakçılarına təqdim edilib.

Daha sonra püşkatma mərasimi təşkil olunub. Püşkatmanın nəticələrinə görə, “A” qrupunda Portuqaliya, Braziliya, İran, Rusiya, “B” qrupunda Hollandiya, Avstriya, Pakistan və Azərbaycan komandaları yer alıblar.

Sonda tədbir iştirakçıları jurnalistlərin suallarını cavablandırıblar.

AFNF-nin I vitse-prezidenti A.Hüseynov ölkəmizdə idmana dövlət tərəfindən göstərilən diqqət və qayğıdan danışıb. O, Azərbaycanın mötəbər idman yarışlarına uğurla ev sahibliyi etdiyini vurğulayıb.

A.Hüseynov futvolley üzrə beynəlxalq açıq turnirin hazırlıq işlərinin yüksək səviyyədə aparıldığını və yarışın keçirilməsi üçün bütün hazırlıqların tamamlandığını qeyd edib. O, yarış iştirakçılarına uğurlar arzulayıb.













Növbəti Yazı Futvolley üzrə beynəlxalq turnirin bağlanış mərasimi keçirilib

Trend xəbərlər

xəbərləri qaçırmayın

Futnet Federasiyası ilə yekun vuracaq - Tədbir

Futnet Federasiyası ilə yekun vuracaq - Tədbir

"CBC Sport"da beynəlxalq turnirin puşkatması

"CBC Sport"da beynəlxalq turnirin puşkatması

İlham Əliyev Şuşada hərbçilər qarşısında çıxış etdi

İlham Əliyev Şuşada hərbçilər qarşısında çıxış etdi

Federasiyamızın rəsmiləri beynəlxalq konfransda

Federasiyamızın rəsmiləri beynəlxalq konfransda

Türkiyədə keçirilən futvolley turniri

Türkiyədə keçirilən futvolley turniri

Türkiyədə futvoley üzrə beynəlxalq turnir keçiriləcək

Türkiyədə futvoley üzrə beynəlxalq turnir keçiriləcək

Millimiz Türkiyədəki bələdiyyəyə forma hədiyyə etdi

Millimiz Türkiyədəki bələdiyyəyə forma hədiyyə etdi

Beynəlxalq turnirin iştirakçıları Ulu Öndərin məzarını ziyarət ediblər

Beynəlxalq turnirin iştirakçıları Ulu Öndərin məzarını ziyarət ediblər

Heydər Əliyev
Ümummilli lider
Heydər Əliyev
İlham Əliyev
Prezident
İlham Əliyev
Mehriban Əliyeva
Vitse Prezident
Mehriban Əliyeva