Kiyevdə seçmə mərhələ yarışı baş tutacaq

Xəbərlər 5-02-2022, 10:00

12-13 mart tarixlərində Ukraynanın paytaxtı Kiyevdə futvole üzrə beynəlxalq turnir keçiriləcək. 

Beynəlxalq Futvole Federasiyasının və Ukrayna Futtennis Federasiyasının dəstəyi ilə baş tutacaq yarışa 30-a yaxın milli komandanın iştirakı nəzərdə tutulur. 

Bu yarış Azərbaycan xalqının milli varlığımızın dolğun təcəssümü, qədim və zəngin, yad təsirlərdən qoruyaraq layiqincə yaşatdığı, bəşər mədəniyyətinə töhfəsi olan Novruz Bayramına həsr ediləcək.

Beynəlxalq turnir həm də bu il Moskvada keçirləcək futvole üzrə dünya çempionatına seçmə mərhələ xarakteri daşıyacaq.

Qeyd edək ki, Kiyevdəki turnir "Sunrise" İdman Kompleksində baş tutacaq.