Dubayda seçmə mərhələ turniri start götürdü - Dünya Çempionatı

Birləşmiş Ərəb Əmirliklərinin Dubay şəhərində futvole üzrə dünya çempionatının daha bir seçmə turniri start götürüb.
Beynəlxalq Futvole Federasiyasının bayrağı altında, “Road to Baku” şüarı ilə baş tutan yarışda 8 ölkənin idmançıları mübarizə aparır.
Açılış mərasimində BƏƏ Futvole Federasiyasının rəhbəri Kevin Deneker bütün iştirakçılara uğurlar arzulayaraq, mükafatçılar sırasına düşən komandaların Bakıda qüvvəsini sınayacağını söylədi.
Tədbirdə iştirak edən Beynəlxalq Federasiyanın baş katibi Əfqan Həmzəyev maraqlı idman mübarizəsinə şahidlik edəcəklərinə əmin olduğunu və qaliblərə kubok və medalların təqdim ediləcəyini bildirdi. Həmzəyev beynəlxalq qurumun prezidenti Vüsal Xəlilovun Dubaydakı turnirə böyük önəm verdiyini və gələcəkdə İran körfəzi sahillərində müxtəlif tədbirlər keçirməyi planlaşdırdığını qeyd etdi.
Qeyd edək ki, turnirin nəticələri və fotoları saytımızda yerləşdiriləcək.