Futvoley komandamız Türkiyədə beynəlxalq turnirə qatıldı - İDMAN TV

Turnirdən 1 gün əvvəl püşkatma mərasimində komandalar 4 qrupda qərarlaşıb. C qrupunda olan milli komandamız Türkiyə, Rusiya və Litva kollektivləri ilə qüvvəsini sınayıb. Kişi və qadınların  mübarizə apardığı yarışda  Azərbaycan, Ukrayna, Belarusiya, Moldova, Avstriya, Türkiyə, İran, Rusiya, Qazaxstan, Litva və Pakistan idmançıları mükafatlar uğrunda yarışıblar.

Əvvəlcə, qrup oyunları keçirilib. İlk 2 yerin sahibi növbəti mərhələyə vəsiqə qazanıb. Daha sonra yarımfinal və final mərhələ keçirilib. C qrupunu maksimum xalla tamamlayan Azərbaycan millisi 1/4 finalda Belarus kollektivinə məğlub olub. Həlledici görüşdə Ukrayna-2 komandası Ukrayna-1 kollektivini məğlub edib. Qadınların mübarizəsində də Ukrayna millisi bütün rəqiblərindən üstün olub. Mükafatları Azərbaycan FutNet Federasiyasının prezidenti Vüsal Xəlilov, Kadıköy Bələdiyyəsinin sədri Şerdil Dara Odabaşı və digər rəsmilər təqdim ediblər. Qeyd edək ki, ilin  son turniri noyabrda Antalya şəhərində təşkil olunacaq. Bununla da mövsümə yekun vurulacaq.